好多打扮光鮮、一身名牌嘅男士，可能搵個銀刮痧都冇。不過，部分女仔都可能唔好得好多，睇落係就係整潔乾淨，但係有朝一日同佢哋共賦同居，就會發覺佢哋污糟之極，齊藤夢愛就係其中之一。
日本唔少水着妹同演員年紀輕輕就出道，有幾輕？十四五歲算唔算年輕先？好似深田恭子咁就以14歲之齡踏入藝能界發展喇。恭子佢當時青春活潑又可愛，單係一副天真笑容就已經迷死麻甩佬。不過，近年佢年紀漸大，開始轉型到接近輕熟女路線，當年嘅活潑感覺已不復見。但係，係咪每一個出道多年嘅日本藝人都係咁呢？非也！齊藤夢愛至今出道十年，一樣充滿活力，能夠散發陽光氣息感染大家。今年25歲嘅夢愛五官標致，眼仔睩睩，可愛又嫩口，又同年輕時嘅恭子有幾分相似。身材方面，阿妹雖然嬌小玲瓏，三圍31-23-33，但係上圍Cup數有D-Cup，一托一夾都可以做出深度十足嘅事業線。最重要嘅，都係夢愛胴體健美，一睇就知活力十足。
夢愛喺2003年，即係佢15歲嘅時候接拍咗一個東北電力嘅廣告，因而被藝人事務所睇中，簽為藝人，令佢可以延續活躍於藝能界至今，拍過嘅電視劇包括《偵探學園Q》、《天裝戰隊》，電影亦有《憐 Ren》等等，近期則以演出舞台劇為主。夢愛喺幕前演出充滿活力，形象又光鮮整潔，但係據聞佢本人相當懶又邋遢。早年，阿妹參與綜藝節目《跳！秋刀魚御殿》演出，某日主持人就上到佢屋企作突擊拜訪，點知見到佢屋企塵埃處處，胸圍底褲四圍晾。而夢愛又夠厚面皮，話自己懶得做家務，衫褲着個幾星期至洗，底褲係咁意噴幾下香體露之後就着成個星期。另外，阿妹亦表示鍾意同佢一樣咁唔注重清潔嘅粗獷男人，對方嘅體毛仲要愈多愈好，嘩！真係估你唔到呀！
齊藤夢愛最鍾意將自己綵排舞台劇，以及演出時於幕後搞搞震嘅情況發布到博客，想知阿妹近期演乜劇又玩得開唔開心，可以Click上佢個博客。
網址：http://ameblo.jp/yuatan-saito/
年齡：25歲
三圍：31-23-33
身高：5呎2吋
撰文：賢