作為一個演員，如果演活一個角色理應受到讚賞，但今日介紹嘅靚女，竟然畀人指摘，佢就係嚟自北京嘅岳辛，喺2012年一輯名叫「脫北者」嘅相片流傳網絡，由於照片女孩樣子可憐，引起社會上不少人士關注。
當其時有唔少名人都話要伸出援手，幫助呢個衣衫襤褸嘅「脫北者」，但有聰明嘅網友發現有啲唔對路，於是發動「人肉搜尋」，終於找出照片中嘅主角，係北京模特兒兼演員岳辛，於是齊聲譴責佢，話佢好搵啲咁嘅嘢嚟玩，欺騙大家嘅同情心，當事人真係有口難言，最後由廣告公司製作人出面澄清，先至收科，原來早前岳辛以「脫北者」嘅形象拍咗條廣告，而部分唔要嘅片段畀公司同事私自放咗上網，再經其他人「第三創作」，造成了一輯令人同情嘅新聞，雖然岳辛曾被千夫所指，喺事件澄清後，反令佢人氣急升，唔少朋友更認同佢演戲嘅天分。
岳辛喺2009年左右出道，一直都係平面模特兒，曾參加過平面模特兒大賽，獲得最有氣質獎，期間替好多有名品牌拍廣告或做代言，之後半隻腳踏入電視圈，經常出席全國各地嘅綜藝節目，由於曝光率高，言談出眾，加上人靚身材好，自然吸引劇組嘅留意，近年先後拍咗多套微電影，雖然都係小成本製作，但就畀咗好多機會岳辛磨練演技，令呢個唔係專科學院出身嘅小姑娘，演技更趨成熟。岳辛做明星之餘，千祈唔好忘記老本行，拍攝多啲寫真，講真佢嘅身材唔算火爆，但拍攝嘅照片特別性感，令人食指大動，目瞪口呆。
簡介：岳辛由於主力放喺拍微電影上，所以佢嘅寫真唔多，絕大部分都放喺呢個網站裏面，但輯輯都精彩，噴血度極高。
網址：www.moko.cc/yuelx