渡海濠情:願拍AV 賺多啲!

日本人氣前交通女警長谷川萌,唔做警花而轉戰AV界,促使佢轉行賣肉嘅理由好簡單,就係錢作怪!澳門大富豪桑拿嘅小嘉見到人哋轉型,佢亦心郁郁想照辦煮碗,而當中嘅理由亦同呢位日本索女一樣,希望能有光輝嘅錢途。

轉戰鹹片

究竟做AV女優係咪比做女警有錢途呢?大家只要睇吓長谷川嘅抉擇就知道,難怪AV界唔單止吸引到藝能人下海,就連呢位俏警花都願意變身做AV女優。小嘉亦相當認同:「因為日本有相當深厚嘅AV文化,加上近年有唔少女優成名後,脫離AV界更係撈得有聲有色,喺咁嘅情況下,吸引到唔少索女投身其中。」據聞小嘉亦心郁郁想拍鹹片喎!小嘉點頭話:「咁有錢途嘅工作有邊個唔想做呢?若然做到一線AV女優嘅話,真係錢途無可限量!當然,我講緊嘅係要先受到AV迷歡迎,同埋成功打入市場嘅前提下,先至可以有咁嘅錢途啦!」

自信實力

不過話說回來,長谷川喺投身AV界前,其實已經有相當嘅人氣,小嘉又話學人哋,唔通佢亦有相當嘅人氣保證?小嘉擰頭話:「我覺得人氣並唔係最重要,反而要有自信,先至係成功嘅必要條件。」聽小嘉咁講,睇嚟佢對自己有一定嘅自信。小嘉大笑話:「邊有女仔會覺得自己醜呢?更何況我自問樣貌同身材都有一定嘅實力,若然能夠轉型做AV女優,自信有成功嘅可能。」不過咪睇小嘉好恨做,查實佢坦言呢個只不過係幻想而已。小嘉表示:「其實我最終嘅目的,只係能夠有幸福嘅生活,至於做乜嘢對我嚟講都冇所謂,與其發白日夢,不如腳踏實地搵真銀好過。」

小嘉Profile

身高:5呎3吋  

三圍:34、24、34

撰文:魂

攝影:德