今日係七一回歸紀念日，大家都熱情慶祝呢個重要日子，不過開心之餘，作為電影迷嘅小弟就有少少傷感，因為七一亦係一代偉大男星馬龍白蘭度嘅忌辰。呢位男星演技一流，演《教父》第一集嘅時候氣勢逼人，每個表情、動作及每句對白都咁有個人魅力！《教父》係佢嘅經典之作，經典情色電影《巴黎最後探戈》亦係其代表作之一。
《巴》片故事講述保羅（馬龍白蘭度飾演）個老婆無端端自殺，傷心欲絕嘅佢發現老婆生前原來有一個年紀比自己仲大嘅情人，而且仲住喺同一棟公寓之內。保羅嘗試探究一下呢個奸夫，發現二人嘅感情淡淡然，並唔係追求激情。保羅最後都冇追究，不過為咗離開呢個傷心地，佢就決定搬到第二棟公寓，令自己從混亂嘅思緒中冷靜落嚟。搬到新居，保羅就邂逅到一名準備結婚嘅少女珍娜（瑪麗亞施奈德飾演），二人一見就覺觸電，保羅更加將佢抱入屋，然後展開激烈性戰。第二日，珍娜又嚟到，仲幫保羅整理家具，然後同保羅度過充滿激情同放蕩嘅三日時光。二人嘅感情持續升溫，而保羅嘅慾望更加愈來愈烈，甚至瘋狂到侵略埋珍娜嘅後花園。不過，咁激烈性行為冇令珍娜傷心，反而對保羅更為心醉，忍唔住向保羅表示願意永遠同佢生活。
嘩！慘喇慘喇！保羅知道自己玩出火喇！於是一聲不響鬆人。珍娜見保羅唔理自己，於是就返去搵未婚夫，點知未婚夫亦向佢斷然拒絕。傷心欲絕嘅珍娜剛巧又喺街上重遇保羅，仲去到一間正舉行探戈比賽嘅酒吧飲酒，珍娜遂知道保羅之前原來忙於辦理妻子嘅後事，而保羅亦表示自己可以全心全意談呢段感情。珍娜思前想後，覺得二人嘅關係唔應該再糾纏，於是離保羅而去，而保羅就一直追到去珍娜母親嘅屋企，不過追到都冇用，珍娜突然拎起手槍向保羅作出致命一擊，事後珍娜則沉沒於痛苦與驚惶之中。
電影嘅拍攝手法出眾，將人生嘅寂寞同無奈完全表達，睇完大家都會覺得有多少唏噓。幸好，電影中嘅激情場面為觀眾添上無限眼福，保羅用半磅牛油充當潤滑劑同珍娜暢遊後花園一幕精彩又夠激，仲介紹畀大家知牛油嘅新用法，而飾演珍娜嘅瑪麗亞施奈德當年青春嫩口，雖然個樣就唔算好靚，但係身材激凸，胸前嘅豪乳令人噴血，正呀！
撰文：賢