模影模蹤:高嶋香帆落選做女王

唔少老闆都話家陣嘅後生仔質素唔夠好,怕捱苦又嫌人工低之外,仲相當怕失敗,所以唔敢接受工作上嘅新挑戰。所謂失敗乃成功之母,後生仔好應該敢於接受挑戰,好似高嶋香帆咁,就因為從痛楚中重生,至做到女王。

嫩口敢騷

香港電視界嘅乜乜小姐選舉話就話係城中盛事,但係選出嚟嘅冠亞季軍,大家對佢哋嘅印象又有幾深呢?小弟我自問就對近十多年來嘅三甲佳麗印象全無喇。反之,落選之後努力磨練,繼而成功轉型做演員嘅都仲有多少印象。所以,古語話失之東隅,收之桑榆係啱嘅,高嶋香帆亦正係例子之一。香帆雖然已經21歲女,但係仲稚氣未消,青春嘅氣質以及天真純情嘅笑容真係惹人喜愛,好多人見到佢仲以為佢未夠秤添。香帆夠晒嫩口,不過身材就相當成熟,一副31C-23-31嘅胴體,尺碼數字係就係細啲,原因阿妹本身係瘦底,再睇番佢上圍嘅C奶如此飽滿,吸引力絕對不下於上圍35、36吋嘅水着妹,所以阿妹拍水着寫真成日都着件緊身Tube-Top或者係細碼比堅尼嚟「騷哥利」。

修心養性

香帆妹妹喺2010年踏入藝能界,契機就係參加電視台節目《偶像之穴》嘅演出。嶄露頭角嘅香帆後來亦成為電視節目《偶像聯盟!》嘅第三期學員。之不過,一心想紅嘅佢諗住參與美少女組合NMB48嘅活動,希望可以跟隨住AKB48嘅風潮而成為歌手,好可惜阿妹最後落選收場。幸好,香帆未因為呢次失敗而氣餒,開始轉行水着女優路線,研究點樣着好套泳衣同點樣擺個靚靚姿勢拍寫真,終於畀佢喺選美活動─日本Telegenic 2011當選,更憑住活潑形象,被封為「日本Telegenic 2011女王」。但係,阿妹就唔係幾生性,佢同男友嘅親密照流出之餘,仲被人影到佢飲酒,當時阿妹未滿20歲,按日本法例飲酒係犯法,好彩冇人跟進事件,令香帆逃過一劫,從此阿妹亦修心養性,專心做好自己嘅工作。

個人博客

高嶋香帆近期主打電視演出,想睇吓阿妹忙於拍攝邊個節目,又喺節目度有乜表演,可以Click上佢個博客。

網址:http://ameblo.jp/takashima-kaho/

高嶋香帆Profile

年齡:21歲  

身高:5呎5吋  

三圍:31C-23-31

撰文:賢