肥妹寫真

你食得幾肥膩先？有冇諗過挑戰個人官能極限？以下呢本非主流寫真，對睇慣瘦底、白滑、大波、長腿索女嘅可以不理！

夠膽打正旗號拍攝兼出版《Fat Girl》寫真嘅，原來係美國藝術攝影猛人Carlos Batts，今次咁明目張膽以肥妹做主題，女主角正係佢老婆大人兼脫星April Flores，超過200磅嘅佢喺四仔界已有13年資歷，阿姐多年嚟以一頭火焰紅髮及38E-38-48三圍壓爆脫星界，據稱佢哋兩夫婦亦因為拍攝色情寫真期間變成戀人，藝術人嘅口味果然與眾不同！

Carlos Batts話製作呢本寫真並非玩玩吓性質，皆因佢覺得全球各地男女對肥人唔尊重，尤其肥人色情工作者更甚，為咗展現超重女人嘅性感，及向肥人致敬，決定將多年來替老婆拍下嘅生活及慾照結集成寫真，形象包括挑逗甫士、性感內衣及夫婦自拍等，希望引起外界正面關注，同時印證佢哋嘅夫妻關係喎！