打完歐聯之後，歐洲短期內都冇乜大型比賽，而啱啱攞晒歐聯一二名嘅德國，有團體藉着足球熱潮方興未艾，搞咗個女子歐洲足球錦標賽，請嚟四國代表參加，有人問點解咁少人參加？原因係要裸體進行比賽。
6月7日德國柏林某大室內運動場，大清早就吸引數千「球迷」喺門外輪候入場，原來當日上演首屆女子裸體歐洲足球錦標賽，除德國隊外，仲有嚟自法國、意大利、瑞典代表，由於只得四隊，以單循環賽制嚟爭奪錦標。開賽時間一到，兩隊球員出場，由於身上都冇制服，所以球迷都分唔清邊隊打邊隊，只能從內衣款式分辨，當哨子聲一響，雙方球員拚命廝殺，比男球員更加搏命，因為邊隊失球，就要剝衫一件，由於喺細場進行賽事，所以入球梅花間竹，上落好快，法定時間未打完，有隊伍已經畀人剝晒光豬，現場觀眾當然拍晒手掌！
講起現場觀眾就爽，事關球場上「球」影不斷，而且球場外仲有冰凍啤酒同馳名香腸售賣以供觀眾大快朵頤，絕對人生一大快事，加上比賽中途球員唔會返休息室，反而會走向觀眾席，同自己嘅「球迷」打成一片，影相簽名，絕無托手(月爭)，球星們都會一一滿足，當中唔少更全裸示人，球迷唔瘋狂都唔得。最後宣布四隊都攞冠軍，平分秋色，皆大歡喜，其實擺明就係掛羊頭賣狗肉嘅色情活動！但證明到呢種活動係有佢嘅市場價值，據講一啲東歐同中南美洲國家，都話想照辦煮碗，如果香港都有樣學樣，相信大把「球迷」會去捧場呀!