家陣嘅十八禁電玩，作品畫風偏向細膩嘅感覺，極少有風格強烈嘅作品，難怪ADV電玩《神咒神威神樂 曙之光》PC版令唔少電玩迷引頸以待！其實早喺4月底時，PS Vita版已經推出市場，當時已經有唔少電玩迷勁讚，除咗香艷場面夠味道外，猶如水墨畫般嘅畫風，加上極具動感嘅動作鏡頭，絕對係近年鹹Game嘅誠意之作。故事講述古時尚未有日本出現嘅時代為背景，土地不但被群雄分割，又充斥各國外夷同妖怪，並且有超能力嘅戰士同埋驅魔陰陽師。當時中土大國神州．葦原中津國嘅8人組，奉國王之命誓要完成統一大業。不過面對種種挑戰，及未知嘅邪魔蟄伏嘅情況下，究竟眾人能否成功呢？