模影模蹤：足立梨花　靚股女PR

拍住股后

好多男人都希望女伴有前有後，即係胸要大，屁股亦要大而夠挺。不過，我就唔貪心，是但有一樣都已經心滿意足。事實上，唔少日本男人都同我一樣咁諗，所以水着女優當中，胸大或者臀圓嘅女優都有上位變當紅炸子雞嘅機會，好似股后秋山莉奈咁就係股壇至尊，但係其地位相信有所動搖，因為足立梨花對佢威脅甚大。今年20歲嘅梨花，斯斯文文嘅外表散發一種令人心境平和嘅書卷味，雙眼唔算大，但係眼神內斂，亦有攝人魅力。身材方面，梨花上圍就唔好提喇，然而其34吋美尻彈力十足，雪白而光滑，最重要係夠晒挺拔，美觀度絕對拍得住師姐秋山莉奈！

PR女頭目

足立梨花於2007年經其父親嘅支持，參加日本雜誌第32屆NON-NO Seventeen選舉，憑其可愛俏麗嘅面容，擊敗五萬多名參加者成功奪冠，仲畀AKB48嘅監督秋元康大讚添。梨花成功闖出名堂之後，順利進軍水着界同藝能界。2010年，梨花被日本J-League足球聯賽選為「特命PR部女當家」，帶住其他水着妹PR進行宣傳活動。之不過，做咗PR至被人發現阿妹唔單只冇乜波，仲唔識睇波，連越位同聯賽計分方法都唔知，認真唔稱職，但終於完成使命，到2012年任期屆滿之後，依然被頒授為「J-League足球聯賽選榮譽特命PR」。另外，阿妹喺藝能界都發展得唔錯，演出唔少電視劇，好似今年就有《夥伴》第十一季以及《黑百合住宅區 序章》等等。

個人博客

足立梨花活動多多，一陣又去做舞台劇，一陣又同朋友四圍吃喝玩樂，真係公私兩忙，想知道佢近期又去咗邊，可以上佢個博客睇睇。

網址：http://ameblo.jp/rika-adachi/

足立梨花Profile

年齡：20歲

身高：5呎5吋

三圍：31-23-34

撰文：賢