宅男天地:露半球眼鏡娘

由輕小說改編成動漫嘅人氣作品《迷茫管家與膽怯的我》,其動畫作品屈指一算已推出差不多兩年,而當中嘅角色有唔少被模型化,好似呢位鳴海奈久留,就係最新嘅模型作品。

雖然鳴海喺動畫中擁有激凸身材,但由於佢冇乜機會露肉關係,結果搞到大家鮮有機會欣賞到佢對美乳。為咗滿足粉絲嘅眼球,呢個鳴海Figure以大開中門嘅造型登場,輕輕拉開襯衫領口,展露半球,性感度爆晒燈!襯埋對黑色絲襪,散發出美腿魔力,叫人睇到唔眨眼呀!

全高:約130mm

售價:¥8,800(約HK$704)

發售日期:暫定9月

撰文:魂