知情色趣：寫下到此一遊

日前河南洛陽一個景區，早上突然跑來四名妙齡美女，佢哋身穿性感服飾，企喺售票處外高舉標語，上面寫住「到此一遊」、「讓我一次寫夠」，大家都唔明白佢哋做乜？原來四名美少女係想呼籲民眾珍惜景區一草一木，要寫到此一遊，就寫喺佢哋身上。消息傳開後，有色膽包天嘅途人，真係上前直書某某到此一遊，一個得手後，自然引起哄動，要管理員出手驅趕四名少女離開。有人就替囡囡說話，話佢哋犧牲肉體嚟教導民眾有何不可？管理員好醒，就話明白景區內題辭嘅情況嚴重，但好快會有措施出台，所以不用囡囡犧牲肉體，事情才告一段落。