澳門作為葡萄牙嘅前殖民地，保留華洋共處嘅文化，正正呢種融和嘅關係係澳門誘人之處，而呢間位於路氹嘅酒吧Old Taipa Tavern，葡式建築不但帶有葡國風情，而其木地板、迷人古玩、巨型吧枱卻正係愛爾蘭酒吧嘅風格，成功糅合出別具一格嘅「愛」「葡」味道，不但令佢成為中西酒客嘅聚腳地，更吸引唔少遊人細味當中嘅風情。Old Taipa Tavern一樓為酒吧，二樓則係餐廳，飲過幾杯想食嘢，大可一間店內搞掂晒！當然，為咗迎合顧客味道，酒品除咗有嚟自世界各地嘅啤酒外，更專登搵嚟英國同葡國嘅著名啤酒，而餐廳同樣凸顯文化交錯嘅風格，英式嘅酒吧菜同葡國菜同時上映，質素亦相當唔錯o架！