古人話女子無才便是德，不過今天小弟就話世代唔同，靚女固然係好，但係一個才貌雙全嘅女仔更好，至少佢哋可以自力更生，唔使靠男人供養，擔子當堂輕晒，好似黑田有彩咁，上至天文，下至物理乜都識，老公就可「印印」腳喇。
日本水着界近十年天后輩出，一個熊田曜子喺亞洲可謂無人不曉，到佢嘅接班人原幹惠亦一樣揚名亞洲。不過，曜子經過歲月洗禮，加上一度減肥過度，個樣殘咗唔少，至於原幹惠係就係狀態巔峰，但係曝光率太高，稍嫌冇乜新鮮感，大家可能會問：咁你想點呀？我想轉移目標，欣賞黑田有彩囉！有彩佢綺麗高貴，氣質有少少似熊田曜子，但係某個角度又似原幹惠，可以話係兩位天后嘅混合體。雖然，講身材阿妹個胸就冇兩位天后咁勁，但係肌膚雪白細嫩，胸、腰、臀比例剛剛好，曲線之優美絕對唔會輸畀佢哋，實在相當誘人。
黑田有彩2006年高中畢業之後，就開始擔任水着模特兒，直至佢入讀御茶水女子大學，主修物理學，期間依然活躍於水着界。講到學業，有彩真係幾叻女，佢曾經多次參加徵文比賽都獲得獎項。成績好對阿妹嘅演藝事業好似冇乜幫助喎！錯喇！對物理學熟悉亦令有彩被日本電視台NHK邀請做教育電視節目《高校講座 物理基礎》嘅主持。另外，對天文學有研究嘅阿妹，演出舞台劇嘅時候，亦多次被安排擔演天文學者嘅角色，貪佢講得頭頭是道，演出極具說服力。有彩有美貌有身材仲有才華，如果娶到佢做老婆就發達咯！
黑田有彩不時會將主持節目情況分享到博客，想欣賞阿妹嘅風采，不妨Click上去睇睇。
網址：http://ameblo.jp/kuroari-19871029/
年齡：25歲
身高：5呎5吋
三圍：33F-24-35
撰文：賢