一個人紅起上嚟，就會出現好多無謂人埋身叨佢光。好似家陣日本最具話題性嘅水着妹壇蜜咁，有好多AV作品都借佢過橋，而水着界本身亦有女優樂於做佢替身，呢位就係間宮夕貴喇。
日本水着界除咗會用身材去區分女優，例如微乳、巨乳、爆乳，又或者美尻、巨尻等等，亦會依照女優嘅演出風格嚟分門別類，有正常嘅，亦有過激。所謂過激女優，佢哋雖則唔會露點露毛，但係拍寫真嘅時候，會大玩搓胸、啜棒狀物，又或者喪扯底褲，搞到幾乎露出私人部位，壇蜜就係當今最具人氣嘅過激女優，至於間宮夕貴亦有力成為其接班人。今年22歲嘅夕貴剛剛由最上由紀改用現有名字，佢五官標致，迷人嘅眼神配上一對厚厚朱唇感覺相當誘惑。身材方面，阿妹屬於黑實型，黝黑肌膚以及結實嘅肉地凸顯出豪放同活力，加上一對彈手E奶以及又圓又挺嘅美尻，真係正得過火。
2009年出道嘅夕貴其實可以算係同壇蜜同期出道，之不過，壇蜜星運較好，扶搖直上，變成家陣嘅話題天后以及人所共知嘅色情大姐姐。事實上，夕貴比起壇蜜一啲都唔差，至少身材更天然。而演出寫真DVD方面，夕貴一樣不作保留，用雪糕捽胸捽屁股，亦經常玩M字張腿，再用手指或其他物件摩擦重要部位，仲露出High爆表情，激烈程度往往令人睇到噴血。雖然夕貴人氣不及壇蜜，但係亦有唔少上電視節目嘅機會，今年四月啟播嘅劇集《美食刑事立花》就有其演出喇。另外，阿妹今年就第一次拍電影，作品名叫做《甘與鞭》，女主角就係飾演日頭係醫生，夜晚就變身做SM女王嘅壇蜜，至於夕貴就扮演少女時期嘅壇蜜，真正成為後生版嘅色情姐姐。
年齡：22歲
身高：5呎5吋
三圍：34E-23-34
間宮夕貴為咗保持靚靚，相當注重日常飲食，想知道阿妹食乜嘢嚟保養，可以Click上佢個博客睇睇。
網址：http://ameblo.jp/yuki-mamiya/
撰文：賢