天下父母都望子成龍，所以琴棋書畫乜都谷，但到頭來咪一場空！好似英國脫模Madison Welch，18歲前仲係芭蕾舞蹈員一名，無奈發覺強迫自己慘過死，最後忠於自己，搖身一變成為脫模，即使未至於紅遍全球，都叫活得豐盛！
試問有幾多人可以忠於自己？就算冇車冇樓冇老婆，家中仲有兩老等你養，所以要忠於自己先要養活屋企！但Madison Welch就唔認同，據講佢出生小康之家，屋企得佢一粒女，為咗令佢成才，由細到大都喪谷佢讀書，又拉佢學芭蕾舞，仲要學演戲，家中大小事務都由屋企人安排，結果到成年都仲未識照顧自己。
就喺佢高中時，Madison有機會跟芭蕾舞團公開演出，但自言一啲都唔開心，反而有厭惡感覺，雖然最終都有參與演出，但首次亦係最後一次，因為一到18歲，未經家人同意下就將個人資料送到Model公司及雜誌，果然好快就收到回覆，令阿妹展開人生新一頁！
Madison一心以為做平面廣告Model，但當對方見佢有天然32E爆奶後，換轉係你都會要求阿妹做裸模，而Madison亦覺得好刺激，結果一拍即合，成為英國魅力女模及參加Page 3 Girl，行一班師姐舊路。有樣有架生，阿妹話咁快就喺英國裸模界冒起，雖然未至於名成利就，但就可以同師姐咁樣上成人電視節目、擔任男性雜誌封面女郎，有面有粉絲，阿妹覺得咁嘅人生先適合自己。
鍾意刺激嘅佢，更被邀上Top Gear電視節目，同主持人鍊車，之後又同一班姊妹搞咗隊女子組合叫「Miss Millionaire」唱跳舞口水歌，可惜出過一張碟後就收檔，未知係阿妹乜都三分鐘熱度還是意見不合，不過阿妹一啲都唔覺得係一回事，繼續獨立發展，前年更踩入大銀幕參與一套低成本製作笑片，客串村姑一角，但並未為佢帶來名利！所以話忠於自己不代表搵到飯食，但90後嘅 Madison Welch似乎仲輸得起吖！
簡介：入行初時Madison Welch曾經有個專屬網站晒靚波，可能粉絲唔多最後摺埋，家陣阿妹全力喺tumblr晒寫真，免費梗係咪錯過啦！
網址：http://www.tumblr.com/tagged/madison%20welch
出生日期：1990年8月27日
三 圍：32E-24-32
身 高：5呎3吋
撰文：祖