當大家睇到呢班衣着性感嘅美女時，千祈咪以為佢哋為咗吸引大家嘅眼睛，查實呢套係佢哋嘅傳統服裝。中國除咗漢族外，仲有唔少少數民族，而當中唔少都擁有獨特嘅服裝，只係講到最養眼嘅女性民族服，一定要數呢套嚟自貴州瑤族分支，白褲瑤族嘅「兩片瑤」。兩片瑤係女性夏天嘅服裝，佢養眼之處在於上身僅披住一塊布，從側面睇雙子峰一覽無遺。據講咁嘅設計，除咗方便女族人落田工作外，亦因白褲瑤係個崇拜母性同生殖至上嘅民族，故此對佢哋嚟講一啲都唔覺得奇怪。不過隨住文化演變，現代白褲瑤女性會喺裏面加穿內衣，以避免尷尬。
撰文：魂
拍賣初夜真人騷
唔知大家仲記唔記得去年10月，由澳洲製片人Justin Sisely所發起嘅「拍賣初夜」（Virgins Wanted）嘅計劃呢？當時佢搞咗個網站，分別幫一名20歲嘅巴西少女拍賣初夜，呢件事不但全球哄動，少女嘅初夜最終以高達78萬美元賣咗畀個日本人之餘，更激發起Justin嘅雄心，打算推出名為《拍賣初夜2》嘅紀錄片。點知呢個消息一出，即刻吸引全球男女注目，據Justin稱，公司每個禮拜至少收到50封初夜賣方同買方嘅電郵，及500套推銷自己點解想賣初夜嘅影片，有見及此決定將原先嘅紀錄片計劃改拍真人騷，並已經同幾家跨國發行商簽埋約添！
撰文：魂
情願打機唔曳曳
有球迷為咗睇波而唔想曳曳，亦有電影迷為咗睇戲而拒絕女友求歡，而家陣會影響性生活嘅原因要加多樣，就係打機嘞！英國有理財網站調查發現，與另一半長期交往嘅男性，喺面對新遊戲同性愛嘅誘惑時，佢哋會傾向選擇前者。呢個調查總共訪問咗1,442位戀愛關係超過6個月嘅英國男士，發現有49%嘅人，喺性同電玩中會選擇打機為首要選項，而優先挑選性愛嘅則有32%，最後有19%嘅人則認為要睇吓遊戲係乜嘢先至會作出決定。至於乜嘢遊戲會令呢班英男唔想曳曳呢？調查指有71%嘅男士認為動作冒險大作《GTA 5》，比佢哋嘅另一半嚟得更加吸引。
撰文：魂
(目及)胸治療
德國有研究指，男人每日只要望住女性嘅胸部10分鐘，就會令血液循環系統得到改善，特別係40歲以上嘅男士，效果更佳。但有口痕友問，平胸又點呀？研究話胸部要達D級或以上至有效。呢份報告睇落好流，但日本就有風俗店照住開辦「D級治療中心」，形式似女僕餐廳，全場女侍都要有D級以上身材，再着上超低胸制服嚟侍客，客人入嚟叫嘢飲，期間就可以任(目及)唔嬲。但記住，只可以眼觀，不可動手，否則報警法辦。大家咪以為好爽，事關一杯普通綠茶都要收百二蚊港紙，仲限坐二十分鐘，超時要再叫飲品，呢種另類治療真係要量力而為呀！
撰文：小德