家陣啲靚女，除咗人靚身材好兼多才多藝之外，學歷都好唔簡單。今日介紹呢位係碩士研究生，仲係喺清華大學畢業嘅，係咪好勁呢？佢就係嚟自山東煙台嘅于咏琳。
自小就立志做演員嘅咏琳，小小年紀已經不斷裝備自己，學習唱歌跳舞兼彈鋼琴，除咗唱功了得，鋼琴仲考到第十級，出嚟演奏絕無問題。高中畢業後，佢順利考入南京藝術學院，接受正統訓練，未畢業就已經參與影視演出，由於表現出色，深受製作單位歡迎，多年來先後喺內地拍咗廿多套影視作品，而最為人認識嘅係《杜拉柆升職記》和《魔幻手機》等劇集，令佢名氣大增。咏琳雖然一劇接一劇演出，但從未自驕自滿，反而更不斷學習，希望掌握到每個角色嘅心理變化，於是投考最高學府清華大學，攻讀心理學碩士，其志可嘉呀！
咪睇咏琳樣子清雅，弱質纖纖，以為佢只適合拍古裝片，原來佢更係時裝動作片嘅「大戶」，多年來先後拍咗五六部有關刑警嘅故事片，着上制服扮演女警嘅角色更係深入民心。至於拍攝雜誌同廣告硬照，都係成名後嘅事，但咏琳冇未紅先驕，呢樣唔拍，嗰樣唔拍，反而更配合攝影師嘅要求，要性感有性感，要裸露就裸露，一啲都唔錫身。咏琳上圍有34吋E級，配埋修長美腿，照片出嚟嘅效果真係無懈可擊，令人愛不釋手，深受網友擁戴，只要一有新寫真推出，例必瘋傳。希望咏琳忙於拍劇之餘，抽多啲時間出嚟拍寫真，咁就皆大歡喜啦！
由於咏琳係演員出身，所以冇建立作品網站，但喺佢嘅官方微博度，就收藏咗不少靚相，特別係自拍照，有啲仲非常出位。
網址：http://weibo.com/yujiaruo
出生地：山東煙台
三圍：34-24-36
身高：170cm