嚟澳門玩嘅朋友好少話專程去食海鮮，又難怪！雖然澳門都係臨海城市，但唔似香港咁有西貢同鯉魚門等嘅海鮮街。話說去大富豪桑拿捧場，一輪舒筋活絡之後，就返落休息室休息，突然聞到一陣香味，原來有老友點咗個「蒜蓉清蒸紅衫魚」嘅套餐，一碟裏面仲有兩條咁多，每條都手掌咁長，食慣魚嘅朋友都知呢個Size啱啱好，肉質嫩滑，食落鮮甜味美，我哋即刻叫份嚟試吓！師傅蒸魚嘅功夫掌握得啱啱好，加入蒜蓉同頭抽豉油嚟調味，完全帶出紅衫魚嘅鮮味，食咗一條已經扒咗兩碗大飯，可想而知有幾咁好食，最後空口食埋另一條，真係人生一大快事。問服務員要幾多錢？佢話套餐優惠價28蚊，唔係呀？咁抵！下次一定要再嚟捧場呀！