四仔脫星個個性技超凡，睇得人勁興奮。然而，佢哋嘅第一次又係咪高潮迭起呢？最近網站The Daily Beast訪問咗幾位知名脫星，由佢哋親身表述初夜經歷，過程搞笑有趣，啱晒鍾意八卦嘅你口味！
喺四仔界出晒名又惡又霸道嘅Teagan Presley，估唔到佢嘅第一次竟然係被迫。Teagan表示同初戀男友由初中開始拍拖，期間男方經常向佢求歡，但佢一直拒絕。直到17歲嗰年，敵唔過男友仔嘅「煩」音，結果被迫就範。Teagan話過程毫無快感之餘，仲好大壓力，因為怕服侍得男友唔爽要重頭嚟過喎！及後經過多次反覆練習，阿妹明白到從性愛中如何取悅男人，自言對佢加入四仔有莫大幫助。
年齡：28歲
三圍：34C-24-34
身高：5呎1吋
由脫星變明星，再做埋四仔導演，到今日掛住性教育家之名到大學開Talk嘅四仔女神Jessica Drake，都算傳奇過人囉！據Jessica姐話，佢嘅第一次畀咗高中拍拖時嘅初戀男友，事發地點喺男方屋企，當時做足前戲，濕吻、愛撫、吹奏統統玩齊，跟住就埋牙，過程雙方都有高潮。Jessica以為偷嘗禁果唔會畀家人知道，點知當佢返到屋企，畀阿媽發現佢條褲有血漬，當堂斷正，結果畀人鬧到狗血淋頭，真係陰功豬囉！
年齡：39歲
三圍：34D-25-36
身高：5呎8吋
自言因為好奇而加入脫星界嘅Courtney Cummz，原來佢嘅初夜亦係因為好奇而失去。話說喺佢讀高中嘅時候，一位好姊妹自爆同個黑人同學搞埋，仲話男方有支大炮且床技驚人，Courtney聽後十分好奇，於是有一日放學後，佢主動相約黑人同學上山「觀摩」，期間發現有個山窿，兩人心急到連衫都未剝就開波，Courtney嘅初夜就喺野戰下發生。阿妹話雖然過程刺激，但係佢完全冇高潮，原來所謂嘅大炮都係不外如事。
年齡：32歲
三圍：34D-29-36
身高：5呎7吋
撰文：祖