5月尾踢埋場歐聯決賽之後，四大聯賽亦相繼落幕，要睇好波又要等下一季開鑼，所以6月、7月對於球迷嚟講真係好悶。不過，對於AV迷就絕對精彩，皆因有一位超級猛將上陣，肯定有好嘢睇啦喂！
日本AV名廠SOD為滿足AV迷不遺餘力，除咗將大量創意投入AV作品之外，發掘優質新人更加冇手軟，早前出道嘅宣傳部淺野惠美、居酒屋女侍應椎名理紗等都能夠一舉成名。今年第二季，SOD更加搵到一位重量Cup新人，佢就係白石茉莉奈喇！
今年26歲嘅茉莉奈，綺麗迷人，一對水汪汪大眼睛簡直殺死人，加埋一對G Cup爆乳，令AV迷嗒晒糖。另外，年紀輕輕嘅茉莉奈原來育有一名2歲囝囝，真係估佢唔到。
茉莉奈即將喺6月6日推出AV頭炮作品，而SOD就為佢作鋪天蓋地宣傳。首先，安排阿妹擔任雜誌封面女郎，又安排佢到網上節目《全國人妻愛好者聯絡會議》做嘉賓。不過，咁都未夠勁，最破格嘅係SOD安排茉莉奈擔任交安大使，唔係交歡安全，而係交通安全，早前佢就去到新東名駿河灣沼津派發印有交通安全訊息嘅貼紙添！嘩！SOD出動密集式宣傳，加上宣傳層面咁廣，睇嚟茉莉奈一出閘肯定會爆紅喇！
撰文：賢