記得以前好多模特兒由於高頭大馬，所以很難喺影視圈發展，事關其他演員身材不高，形成鶴立雞群，畫面會好怪，發展自然受阻，但家陣男男女女嘅身材都長高不少，所以高挑型嘅女孩，就唔怕窒礙事業發展啦！
今日要介紹嘅正係一名高妹，嚟自北京嘅王馨漪，身高173cm，自小就好有表演欲，睇完電視劇，可以模仿演員成段戲做番出嚟，而且對白表情分毫不差，所以自小已立志做一個演員，高中畢業後就考入北京電影學院，學習正統演藝訓練，未畢業就已經有演出機會，而且多部作品，都係港人導演拍攝，好似劉鎮偉、葉念琛等，雖然都係小角色，但就讓馨漪獲益良多，之後更參加馮小剛導演嘅《非誠勿擾2》拍攝，由於馨漪已經見慣大場面，所以一啲都冇怯場，拍攝後更被劇組讚佢表現出色，相信將來必再有合作機會。
除咗拍攝影視作品外，馨漪更勇闖模特兒界，短短一兩年間，先後拍咗無數咁多雜誌同埋廣告硬照，特別係性感照，就最令粉絲們印象難忘，事關馨漪上圍只得34吋，但經常做出波濤「胸」湧嘅效果，最主要嘅原因，就係擁有22吋嘅纖腰，所以一配搭起嚟，就會令視覺上顯得胸部特別豐滿，再加上馨漪嘅性感表情，所以照片出嚟嘅效果噴血度極高，無論有着衫定係冇着衫，同樣深受網友嘅歡迎，視她為新一代性感偶像。近年馨漪隨着經驗日增，駕馭性感嘅能力增強，佢嘅性感寫真愈嚟愈激，真係令人振奮。馨漪，加油呀！
出生地：北京
三 圍：34-22-35
身 高：173cm
專屬博客
簡介：呢個係王馨漪嘅官方博客，收錄不少馨漪嘅靚相，當然唔少得性感寫真啦！由於貼圖又快又多，所以深受網友嘅歡迎。
網址：http://66737369.qzone.qq.com/
撰文：龍四海