個別年輕人嘅學業成績唔多好，見自己生得靚仔靚女，於是向藝能界進發，靠樣搵食。不過，日本就唔同，好多女優都擁有高學歷，同時又有靚樣靚身材，難怪咁有吸引力，好似伊藤惠美咁。
記憶所及，以前在學時期，成績好嘅女同學係咪特別吸引呢？小弟就深感認同，學業成績名列前茅嘅女同學硬係散發出一種優雅嘅知性美，係咁意撥一撥頭髮或者回眸一望，都令我有種觸電嘅感覺，而呢種感覺日本水着女優伊藤惠美就可以畀到大家。惠美家陣雖然就快30歲，但係面上依然保持到青春少艾嘅活潑純真，仲帶有一股誘人知性美，真係好迷人。惠美膚質細嫩滑溜，令佢整副胴體更見吸引，係就係冇乜胸，但係33吋嘅靚股夠翹又夠圓，故此佢繼秋山莉奈之後，亦得到業界稱為美尻女王。
惠美之所以咁具知性美，可能同佢讀得書多，自小學習插花以及浸過鹹水有關。阿妹佢讀中學期間，曾經去到美國西雅圖留學兩年，學得一口流利英文。回國之後，佢就升讀上智大學文學系，主修英國文學，就喺呢段日子，阿妹從事模特兒工作，後來仲成為人氣水着女優。而惠美由於讀得書多，亦寫得一手好文章，故此被雜誌邀請佢寫專欄。唔好睇惠美咁有書卷味，就以為佢讀死書喎，阿妹佢仲有好動嘅一面。平時，佢就最鍾意潛水，仲曾經幫日本知名潛水愛好者網站DIVE NET做宣傳添！
伊藤惠美近期相當得閒，成日遊山玩水，大家想知道佢最近又去邊度玩，可以Click上佢個博客睇睇。
網址：http://ameblo.jp/ito-emi/
年齡：29歲
身高：5呎3吋
三圍：32-22-32
撰文：賢