家陣啲模特兒為咗曝光，經常超性感示人，以為露得愈多愈好，點知好多時都係適得其反，愈露得多反令人愈討厭。而要性感得恰到好處，當中大有學問，今日要介紹嘅呢位靚女，就絕對係箇中高手，佢嘅名叫做郭婷瑜。
嚟自上海嘅郭婷瑜，讀完高中就投身模特兒工作，最先曝光係喺2010年嘅CJ電玩展，事後單係佢嘅報道就多達十多篇，網友更封佢為「最清涼騷女郎」，點解要有咁嘅封號？唔通佢着透視裝？非也，只因婷瑜樣子清秀，有鄰家女孩嘅影子，性感得嚟畀人清新嘅感覺，所以得此封號。阿妹由此而人氣急升，之後第二年更獲大型電玩公司垂青，搵佢做主角代言，自此更成動漫大戶，拍咗不少動漫造型照。由於婷瑜嘅上圍數字高達36吋，加上長腿纖腰，只要露少少已經十分搶眼，加上每次拍寫真，都一定賣大包，令照片噴血度極高，但每次性感都恰到好處，絕對唔會過分。
就好似今年嘅上海車展，婷瑜有份出席，仲同西洋模特兒同台較技，論相頭身形一啲都冇輸蝕，衣着性感而絕不誇張，可以話為國爭光，於是引起唔少網友熱烈討論，相反一啲賣弄性感，露到乳貼都走晒出嚟嘅「姐姐」，婷瑜嘅性感，絕對係技勝一籌。除咗身材了得之外，婷瑜本身亦修讀完空中乘務員專業課程，所以隨時會喺某航機上遇到佢都唔定，到時飲咖啡一定要搵佢加奶呀！而擁有「巨肺」嘅婷瑜，原來唱歌都有一手，曾經參加過大型歌唱比賽，更殺入決賽階段，可想唱功都有番咁上下，至於下一個目標，相信都係接拍影視作品，以婷瑜嘅無敵身材，相信完全冇問題呀！
簡介：呢個係郭婷瑜嘅官方微博，收錄咗不少性感寫真同自拍照，不少照片可觀性極高，而且婷瑜仲不時撰文，絕對值得粉絲捧場。
網址：http://weibo.com/gty9242
出生地：上海
三圍：36-25-35
身高：170cm
撰文：龍四海