神勇幹探要突出佢有幾咁神勇，唔單止要講佢有幾咁好身手、幾咁勇猛同機智，最重要係身邊一定要有一個索到爆嘅靚女，先至可以突出佢男性嘅魅力。曾經登上美國New York Times及USA Today暢銷書榜嘅著名作家Kendall Ryan，便將呢個重要嘅元素加入喺佢嘅新作《Resisting Her》之中。故事講述神勇FBI男主角Cole Fletcher，雖然能夠輕易將黑幫頭領捉入監牢，又能夠擊敗邪教組織，但面對充滿童年陰影嘅卜卜脆美少女Savannah時，佢卻無能為力。面對呢位有時風情萬種，有時又拒人於千里之外，背後仲有種種謎團嘅問題女孩，究竟Cole最後何去何從呢？