歐美地區人士好多都高高大大，男嘅身形粗獷，女嘅身材豐滿。當歐美血統同亞洲血統融合之後誕生嘅混血兒，未必同佢哋咁高大，但係個樣就特別標致，橘麗美呢位日本同西班牙嘅混血兒就係其中之一喇！
日本AV界近年有唔少混血兒為大家獻技，好似小澤瑪利亞有加拿大血統、原紗央莉有德國血統，希崎謝茜嘉就有意大利血統，而水着界喺呢一方面好似失色不少，幸好仲有橘麗美。26歲嘅麗美前藝名叫做立花麗美，出道於2008年。大家咪以為阿妹樣子俏麗動人，同一般水着妹冇乜分別喎！其實佢阿媽係西班牙人，係就係唔似其他混血兒個樣咁鬼鬼哋，但係艷麗程度依然惹人注目。麗美佢遺傳唔到阿媽嘅面部特徵，身材亦同樣唔似歐洲人，因為佢身高得5呎2吋，三圍只有33C-23-33，幸而總算小巧苗條，皮白肉嫩，愛好美少女嘅朋友一定鍾意！
橘麗美憑住參加全國女子高中生制服收藏活動而出道，之後再參加日本Telegenic 2008選美活動將人氣再度催谷，更成為女子歌唱組合NABIA嘅成員。到2009年6月嘅時候，麗美一度引退，原因係同事務所發生合約糾紛。據講，麗美立志成為知名歌手以及模特兒，但係事務所卻冷待佢，令阿妹相當不滿，於是就喺博客上大吐苦水，話自己無論係拍T-Back寫真、全裸寫真，甚至係拍AV，只要可以成名佢完全唔介意，可惜事務所就冇再畀機會佢，於是決定引退。到同年8月，麗美轉而同新事務所簽約復出，但係好快又神秘引退，2012年麗美至再度活躍於藝能界，最近更加開始拍露點寫真以求突圍而出添！
簡介：最近，橘麗美轉拍露點寫真，仲將拍攝花絮放到博客同大家分享，想先睹為快的話，不妨Click上佢個博客喇！
網址：http://ameblo.jp/tachibanareimi/
年齡：26歲
身高：5呎2吋
三圍：33C-23-33
撰文：賢