美國富豪脫星Jenna Jameson由入行到引退，一直新聞多多，而且以負面居多，但無阻歐美男人對佢嘅愛戴同幻想，多年嚟Jenna姐喺傳媒心目中亦係最具娛樂性及入屋脫星，男女老幼都識得佢！咁巴閉，或者係因為佢早年推出一本回憶錄《How to Make Love Like a Porn Star》全球賣過百萬本有關！
今日Jenna姐再次挑戰自己，親自撰寫情色小說《Sugar》，故事以佢自己嘅人生經歷作背景，講述一位樣貌架生兼備嘅靚女，一心加入脫星界，情節既浪漫又真實。而Jenna姐喺記招對傳媒話今次寫小說，心情興奮又極具挑戰性。查實一句到尾，阿姐你個朵咁響，莫講話出小說，你再度剝清出本寫真，閒閒哋都賣過千萬本啦！
撰文：祖