如果大家睇過世界女子足球比賽，都會見到好多女將球技精湛，之但係可能勤練球技，所以身材愈來愈似男人，腰粗腿又粗。不過，係咪每個足球女將都會係咁嘅呢？非也，好似南結衣呢位波精咁就保持到苗條身形喇。
一般嚟講，日本水着女優近年嘅賣點除咗好身材，仲有年輕活潑兼且陽光特質嘅性格，予人一種健康感覺，鮮有表現出比較黃色嘅妖艷一面，除非好似壇蜜咁樣博出位。其實壇蜜本身個樣唔妖，只係演出嘅時候又自摸又擘大對腳，突出妖艷滋味，唔似得南結衣咁，靠個樣就話畀大家知道有幾姣有幾妖。22歲嘅結衣好早就出道為藝能界効力，資料顯示佢2001年就做模特兒，即係話當時只得11歲。隨住時間過去，結衣家陣又靚又好身材，樣子精靈可人，但係雙眼同笑容夾雜住一股邪氣，同AV界嘅小惡魔如出一轍。身材標準嘅結衣，胸前則有一對35F美乳，配上雪白肌膚，簡直係一流。
2007年，結衣成為選美活動ZAK THE QUEEN嘅冠軍，之前佢一直都半紅不黑，得到呢個獎至成功上位，爭取大量曝光機會，並且表示要以水着女神星野亞希為奮鬥目標。同年，阿妹成為女藝人室內足球隊伍「南葛Shooters」嘅成員，並擔任前鋒，發揮靈活嘅特性。由於阿妹表現出優良嘅運動潛質以及旺盛精力，所以被提拔成為日本一個知名味精品牌，所舉辦嘅運動會主持人。到最近，結衣嘅發展亦同波相當有關係，因為佢成為女子歌唱組合「Shake」嘅成員之後，成功被選為2014年巴西世界盃嘅日本足球寶貝，唔知佢到時會唔會跟埋日本國家隊去巴西打氣呢？
南結衣活動多多，除咗工作之外，仲不時同班姊妹玩Cosplay表演，想知佢最近又扮乜，可以Click上佢個Blog睇睇。
http://ameblo.jp/yui-minami/
年齡：23歲
三圍：35F-23-34
身高：5呎2吋
撰文：賢