女仔胸大固然可以令男人瘋狂，但係大得嚟仲要形狀美觀，白滑兼且堅挺有彈性，咁先係好波！咁點先算係彈力十足呢？我解釋唔到畀大家聽，但有實例提供，係嚟自高橋亞由美。
日本水着界自從踏入2000年，巨乳女優愈來愈多，個胸仲愈來愈大，好似松金洋子、根本春美、夏目理緒咁，佢哋每一邊胸都好似人頭咁大，震撼力極強。不過，大並不代表美，仲會出現下垂之感，唔似得原幹惠對G奶咁，大得嚟唔太誇張，而且彈力非凡，自然得嚟又吸引，而高橋亞由美對F奶亦拍得住原幹惠。今年25歲嘅亞由美五官標致又可愛，笑容滿面嘅時候散發陽光氣息，木無表情嘅時候又有一種憂鬱病態美，個人覺得佢個樣仲有少少似內地女星張靜初。身材方面，亞由美副偈絕對可以稱之為水着界嘅超絕品，35-22-35嘅三圍曲線玲瓏，胸前嘅純天然F奶又大又挺，一睇就知係極品美巨乳！憑住呢對彈力巨乳，令阿妹成為「第十二代少年Jump」最富彈性王后。
亞由美出道已經接近十年，由於要兼顧學業，所以只係間唔中出嚟拍吓寫真，因此名氣未算好響。到佢喺大東文化大學畢業之後，至正式活躍於藝能界。期間更加發揮其活潑好動嘅個性，成為由水着女優組成嘅排球小隊「快速Rabbit」當中一名成員。阿妹除咗鍾意打排球，游水、跑步亦係其嗜好，靜態嗜好方面亦有彈鋼琴、烹飪同唱歌，一次參加綜藝節目《猜謎！六角II》嘅時候，憑其甜美歌聲唱出AKB48嘅歌曲，搞到現場嘅男士都熱血沸騰。另外，阿妹仲有學習泰文。據講阿妹之所以咁鍾意呢種外語，原來係佢久唔久都會去泰國享受陽光與海灘，玩得多自然學得多啦。
高橋亞由美最近好鍾意喺屋企煮飯，想知道佢煮咗咩菜式，可以Click上佢個博客睇睇。
http://ameblo.jp/ayumi-beside
年齡：25歲
身高：5呎4吋
三圍：35F-22-35
撰文：賢