印象當中，鍾意打麻雀嘅女人都係巴渣又潑辣嘅師奶，所以男人一定唔會有興趣。不過，呢位麻雀精就唔同喇，不但青春嫩口，仲擁有一對G奶，男人見到必定流晒口水，佢就係高宮麻玲。今年24歲嘅麻玲係日本專業麻將聯盟第27屆學生，由於佢生得美艷動人，所以上電視參加麻雀比賽之後，人氣持續上升。而阿妹打得牌多，都知道贏要谷，輸要縮嘅道理，所以佢見家陣人氣高企，一於再下一城，推出寫真DVD《聽牌》。當中，麻玲除咗會換上鮮艷又性感嘅三點式泳衣，盡展激凸G奶外，仲會穿着旗袍登場，散發中國古典味，配襯麻雀最適合不過。
碟名：《聽牌》
售價：$2,952（約HK$234.4）
撰文：德