所謂知人口面不知心，睇偵探片可以見到和善、行為正常過正常嘅大好人，往往到最後至被發現原來係真兇。呢類人其實喺現實中並不難見，好似日本水着女神辰巳奈都子就係其中之一，美麗嘅外表之下原來頗為「醜惡」。
眼神係靈魂之窗，可以流露出一個人嘅精神狀態同情感，有時一個眼神更加勝過千句萬句說話，不過，首要條件係擁有一對有神又迷人嘅眼睛，好似近期喺日本人氣爆燈嘅水着女神辰巳奈都子咁就得喇。老實講，25歲嘅奈都子絕對係近十年小弟最鍾意嘅水着妹，因為佢個樣實在太美艷，氣質同AV界天后明日花綺羅不相伯仲，一樣姣到出汁，誘惑過人，而原因正係佢雙水汪汪嘅眼睛散發出光彩以及妖媚特性。奈都子美艷迷人，身材亦同樣誘人。阿妹一副32B-24-33胴體婀娜之極，雖然唔算係巨乳系，但係由於佢皮白肉嫩，加上胴體柔軟度高，擺出嘅S形姿勢真係殺死人。
據聞奈都子身體之柔軟，仲可以將雙腳向後屈到腳板貼頭。2006年出道嘅奈都子，一度以女子組合「櫻花mint's」嘅成員身份活動，由於阿妹由細到大都有學習音樂，電子琴、長笛等都相當擅長，幫助佢登台嘅時候又唱又跳又演奏。後來，奈都子轉型做模特兒同水着妹之後，就鮮有表現其音樂天才喇。見到阿妹咁有音樂涵養，個人正正經經，大家可能以為佢係乖乖女，但係事實絕對唔係。奈都子自言係一個M系女子，即係傾向於SM中被玩弄嘅一方。另外，據聞佢平時同人相處冇問題，但係就好鍾意喺背後講人壞話。返到屋企奈都子更係一個懶人，有一次因為佢長久冇清理浴室同廚房嘅去水口，搞到被頭髮同食物堵塞，最後成間屋水浸同散發異味。
辰巳奈都子公餘活動極多，成日同班姊妹去玩去Wet，仲會將玩樂時拍低嘅相片上載到博客，Click入去睇就一清二楚。
網址：http://ameblo.jp/tatsuminatsuko/
年齡：25歲
身高：5呎3吋
三圍：32B-24-33
撰文：賢