澳門曾是葡萄牙嘅領地，不論建築或食物仍然保留昔日葡國味道，甚至連酒吧都可以搵到葡國情懷。如果想體驗夜「葡」滋味嘅話，呢間位於氹仔嘅Bar 171一定可以滿足到你嘅要求，事關酒吧內所有啤酒、香檳等都係嚟自葡萄牙，當中更有唔少啤酒喺其他地方飲唔到，不妨一試。此外，清吧格局對於鍾意摸住酒杯底，同三五知己閒聊嘅男女更係至好不過，配合埋全晚播放嘅Jazz、Smooth Blues及Soft Rock音樂襯底，情調十足之餘，純聽音樂亦係一種享受。當然，三五知己圍埋總想有啲活動可以一齊玩，而吧內設有美式桌球枱，不但可以同老友邊玩邊聊天，更可以作為結識新朋友嘅平台，大家一齊落場比併球技。