喺日本AV界，許多時4月都會出現復活潮，唔少女優早前宣告休息或引退嘅，都會喺呢個時候出番嚟再為大家獻技，好似妹系女神櫻木凜及美體女神瞳亮便即將復出，絕對係好消息！
早前小弟曾經同大家講過，日本AV界有唔少女優因為身體健康問題，而宣告有限期或無限期休業，好似成瀨心美現正休養中，而比心美嘅健康情況更差嘅櫻木凜，於2011年時表示身體不適，之後便休息咗一段日子，直到上年2月才重新投入工作，但係成年只係拍咗兩套AV，然後又再次宣告要引退休養。出身自KUKI嘅櫻木凜一直都係萬千AV迷嘅妹系女神，一次又一次休業自然令粉絲傷心到痹。好彩，櫻木凜已經返嚟喇，最新作品《電擊復活 櫻木凜 美專屬 初次亮相》於4月25日推出，好期待呀！
除咗櫻木凜之外，仲有活躍於1996至2002年、有美體女神之稱嘅瞳亮，亦會喺4月復出。想當年，瞳亮姐以一副34E-22-34嘅超絕品胴體橫行AV界，成為一時佳話。後來，同樣以美體作賣點嘅天后穗花出道，仲有人將佢哋雙提並論，可見瞳亮有幾經典。今次瞳亮姐以37歲之齡復出正好配合家陣熟女市場嘅極大需要，相信會有一番大作為。
另外，美少女系經典偶像小森愛，最近亦復活，加盟Madonna做專屬女優，再計埋鐵定於4月復出嘅涉谷系女王倖田梨紗，即係將會有4位經典女優復活喇！
撰文：賢