所謂「十年人事幾番新」，10年對於AV女優嚟講真係有好多改變，有人引退，亦有人復出。不過，對於天后吉沢明步嚟講，呢10年可能係佢人生最光輝嘅日子，所以要大事慶祝一番。
上年天后級AV女優風間由美慶祝自己踏足AV界15周年，為隆重其事，同由美姐一直合作愉快嘅熟女AV大廠Madonna，特別為佢推出充滿特效又有劇情嘅AV大作《傳說之美人魚》。至於另一位天后吉沢明步，唔經唔覺，已經出道10年，家陣主要為MAXING拍片。由於明步美艷動人，充滿迷人魔力，加上性技同演技均一流，令佢長年都咁受歡迎，前年更加獲邀請參與拍攝港產片《蜜桃成熟時33D》，證明其人氣拍得住蒼井空。
為慶祝步姐出道10年，AV廠MAXING為佢度身訂造一個專屬網站，畀網友們下載明步嘅精美電腦桌布，同時亦推出一本名為《10年》嘅寫真集，於3月28日發售。此外，所屬事務所更為明步安排一個接班人選拔活動，由明步選出最佳接班人，事務所更加會頒予100萬日圓獎金畀勝出者，咁大手筆反映出明步嘅地位的確非比尋常。
撰文：賢