佢雖然係電玩界嘅代言天后，但同時又係電子產品白癡，有時仲係超級殺手，電子產品一到佢手就會死機，講出嚟大家可能唔信，但點解佢又可以上到代言天后嘅位置呢？無他！就係因為夠萌夠可愛，我所講嘅佢，就係嚟自烏魯木齊嘅電玩代言天后柳侑綺。
四川成都出生嘅柳侑綺，早年舉家移居新疆烏魯木齊，侑綺平日十分深閨，除咗跳吓舞外，名副其實係一名宅女，最鍾意由朝到晚係屋企睇漫畫，後嚟仲迷上Cosplay活動，只要一有聚會，就會變身出動，亦因為咁而被某大電玩公司睇中，搵佢飾演其中一位遊戲角色。由於侑綺面圓圓十分可愛，充滿萌味，加上身材相當出眾，所以一出道就被網友封為「真正90後的童顏巨乳」，之後更成為一眾女將嘅隊長，人氣急升，只要有電玩展，就會見到佢嘅身影。雖然如此，但侑綺並冇荒廢學業，讀緊音樂教育專業嘅佢，最想畢業後教小朋友唱歌跳舞，能夠做佢嘅學生真係幸福！
有記者訪問過佢，成為代言天后，對電玩遊戲精唔精通？佢話打怪打親都死，成個月都升唔到「呢」，對電子產品嘅認識程度就更係白癡，一搞就會死機，所以朋友都唔敢借電話畀佢用。侑綺自認十分大頭蝦，成日都唔記得帶嘢，行路又成日仆親，叫佢搵個男朋友由早到晚保護佢，侑綺話自己仲細，遲啲至諗喎！最近佢拍咗輯超性感寫真，全裸嘅佢只係用三文魚遮住重要部位，咁出位，自然成為全城熱話，點擊率仲爆晒燈。除咗做電玩天后外，以侑綺嘅材料，想突破框框染指其他界別，相信絕無問題，當然衫就梗係愈少愈好啦！
簡介：呢個網站收錄咗唔少柳侑綺嘅照片，當中唔少都係性感寫真，噴血度極高，其中三文魚個輯，侑綺千嬌百媚，真係百看不厭呀！
網站：http://photo.163.com/haididehe/home/
三圍：35-22-34
身高：160cm
興趣：跳舞、食嘢
撰文：龍四海