升官發財要求神，升學考試要拜神，想對車頭燈升Cup原來都可以搵神靈幫手！日本就有間寺院，吸引唔少想心口一對奶樽再發育嘅女士，每年到寺內參拜，祈求美乳兼升Cup。位於愛知縣小牧市嘅「龍音寺」，供奉咗唔少觀音像，其中最為女士留意嘅就係「間間觀音」。本嚟呢位間間觀音係畀善信求子、安產、授乳，唔知點解傳傳吓，就變咗可以令女士升Cup。寺院應善信所求，順勢推出唔少胸部紀念品，例如胸部繪馬、胸部匙扣等。各位女士去到當地，當然要順便祈求升Cup啦？
撰文：魂