渡海濠情:白色情人節測愛情運升跌

今日係白色情人節,按照傳統,2月14日女方送禮物畀男方表示心意,到3月14日男方就要有所表示,否則就當囡囡表錯情,難怪有男同事買咗大批小禮物,話要回禮畀班女朋友。嚟自打令1浴室嘅安娜,就話對呢日特別緊張。

心情緊張

安娜話:「今日嘅成績好壞,就可以預測到今年嘅感情吉凶。」有冇咁誇張呀?安娜話:「2月14日嘅情人節對我嚟講,等於一年感情生活嘅盤點,男朋友有幾多,就收幾多份禮物,佢哋愛你有幾深,就會收到幾貴重嘅禮物,而大多數自己都心裏有數,但白色情人節就唔同,今日送禮嚟嘅男仔,表示佢對你有意思,希望同你有所發展,而之前佢同你一啲關係、一啲聲氣都冇,依家就有啲等同政府財政預算案,財爺加稅定減稅,派糖定清倉,全部都只有當日至知道,你話係咪緊張。」

費事嚇人

咁今年預算有幾多個男仔會對你有意思呢?安娜話:「我數過大約都有兩三個,如果好彩嘅,希望有四五個啦!加埋手上嘅四五個,有十個八個男朋友喺手,咁至似樣嘛!」咁你又有乜嘢表示先?安娜話:「表示一定會有,但唔可以太心急,費事嚇親人,我喜歡第一次上床選擇出埠旅遊最好,最低限度都要去深圳珠海住吓五星酒店,嗰晚咪成個人畀晒佢,到時佢想點咪點囉!」講真安娜樣子甜美,身材又勁,加上把口啷過油咁樣,睇嚟今年嘅白色情人節一定會大豐收。

安娜Profile

年齡:20歲

三圍:35-24-35

撰文:小德