師傅成日話，想發達要靠三分天才配合七分努力，其實我就覺得，運氣有時可以蓋過一切，好似我朋友咁，出生於大富之家，仲使乜努力讀書？
水着妹淺倉結希雖然未算大富大貴，但係運氣之強就令佢事業順利，兼且好友多多。
巨乳美人個個男人都鍾意，來自日本水着界嘅巨乳女優更能夠令萬千男士為之着迷。當中好多女優胸前對巨乳同個身都成正比，即係胸大同時膊頭闊、手臂粗、腰粗腿又粗，好似肉感型嘅松金洋子、根本春美以及瀧澤乃南都係呢種女仔。然而大家唔使擔心，好波而又纖巧嘅水着妹仲有大把，淺倉結希就係其中一位。25歲嘅淺倉結希樣子精靈甜美，散發出嘅活潑青春感覺，真係令人如沐春風，情緒有幾低落都畀佢搞到精神起來，睇真少少仲會覺得佢同台灣名模志玲妹有幾分相似添！樣貌相似，佢哋嘅身材亦同樣絕佳，結希嘅33E-23-33薄身好波身材拍得住志玲妹，而５呎2吋高嘅結希比起5呎9吋嘅志玲更像小鳥依人，更予人親和感。
好多人都話上天係公平嘅，生得咁靚女好可能運氣一般，故此有云自古紅顏多薄命。不過，淺倉結希就推翻呢個定律。2007年結希因為要讀大學所以搬到東京居住，有一次佢去到池袋購物嘅時候，就剛巧撞到星探。星探見到結希之後，就即刻安排事務所同佢簽約，夠晒好運。之後，阿妹同其他新人一齊參加一個叫做「尋找！Schola Girls」嘅活動，並開始登台又唱又跳。活動之後以投票方式，殘忍地決定邊個表現出色，繼而有得留低。而結希就係最後被留低嘅6人其中之一。後來，阿妹被邀請參與電視台綜藝節目。喺一個名為「達磨先生跌倒」嘅遊戲環節，阿妹玩到癲癲哋，狠狠咁向女藝人大川麗奈施襲，搞到對方跌到「攤攤腰」。不過，麗奈居然冇怪佢，反而同佢做咗好朋友，仲不時請阿妹返屋企留宿，真係唔打唔相識，亦證明阿妹好運氣。
淺倉結希除咗工作，平時喜歡四圍飲飲食食，想知道阿妹佢最近又去邊處蒲，可以留意佢個博客。
網址：http://ameblo.jp/aceasakura/
年齡：25歲
三圍：33E-23-33
身高：5呎2吋
撰文：賢