一般嚟講，藝人都予以我哋正面、清純嘅形象，此為我哋升斗市民所樂於見到，亦希望藉此覺得自己都清純埋一份。是以，藝人就算有負面消息亦唔想畀人知，不過日本水着乳神青井鈴音就唔同，因為佢個性率直，畀大家睇清楚其底蘊亦無損形象。
好多人都話賭仔冇前途，而好多女仔都唔鍾意自己伴侶有賭博習慣。其實，我就話小賭怡情，識得忍手唔好賭到傾家蕩產、債台高築咪得囉。而且，家陣唔少女仔其實都有玩兩手嘅習慣，好似乳神青井鈴音就係其中之一喇。今年22歲嘅鈴音夾住現役女子大學生嘅名堂，喺2011年殺入日本水着界。當然，名堂其實一啲都唔重要，我哋水着迷通常只着重外表，而鈴音就絕對滿足到我哋對樣貌與身材嘅追求喇。鈴音氣質清雅端莊，樣貌屬於正統姊系，感覺有少少成熟，但絕對唔係老。至於身材，鈴音呢副37-24-35無敵靚偈豐滿卻不失曲線美，最緊要係胸前對H奶大而軟熟，件比堅尼上衣只要細少少就已經令胸肉逼晒出嚟，正呀！
青井鈴音個樣斯文大方，仲好似一個賢良淑德嘅鄰家大姐姐咁款，但係大家唔好畀佢個樣呃到呀！因為阿妹佢有唔少被家長稱為不良嘅嗜好。鈴音平時最鍾意就係睇漫畫，最愛嘅漫畫包括《JO JO奇妙冒險》同《北斗之拳》，而阿妹亦不諱言自己嘅口頭禪「即使連地獄也因為你而微溫起來」，正係來自《北斗之拳》嘅拳四郎。另一方面，鈴音雖然忙於學業同事業，但係一得閒就會同班大學同學落酒吧玩掟飛鏢，有一次仲因為輸畀一個後輩而喊咗出嚟。另外，阿妹仲係麻雀精，賭馬亦相當在行，更加曾經講過自己最希望可以參與賽馬評述節目，可見阿妹都有唔淺嘅賭癮喎！
青井鈴音係一個標準漫畫迷，閒時去街街都會去有漫畫特色嘅景點，大家一Click上佢個博客就睇到喇！
網址：http://ameblo.jp/ringring-blue/
年齡：22歲
身高：5呎4吋
三圍：37H-24-35
撰文：賢