能夠成為成功嘅漫畫家，係唔少男性漫畫迷嘅願望，只係若然成功換嚟嘅代價，卻係要畫少女漫畫，唔知大家又制唔制呢？呢隻十八禁電玩《我是少女漫畫家R》就係以呢個古仔為背景。
男主角神尾賢二除咗係個學生外，仲係一位漫畫家，只係佢畫親嘅漫畫都爛尾。為咗抹除爛尾漫畫家嘅惡名，喺編輯嘅建議下，便以「美少女漫畫家」伊集院愛麗絲之名繪畫少女漫畫。為咗達到成為最紅漫畫家嘅夢想，賢二決定由男變女，自此以女性身份生活，更以女人心態嚟作畫，因此惹嚟唔少笑話同誤會。
開發商：Giza10
售價：￥6,880（約HK$571）
發售日期：暫定3月29日
撰文：魂