有女孩子喺自己嘅網頁寫住：「就算沒有王子，我仍然是驕傲的公主。」換轉其他女仔，一定會畀網友鬧到狗血淋頭，但佢冇被人痛罵，仲被網友不停Like佢，呢位咁受歡迎嘅公主，就係擁有天使面孔和魔鬼身材嘅超級大美人王羽墨。
嚟自上海嘅王羽墨，名字清雅，好有古典氣息，論樣子十分清秀，但要佢性感亦絕無難度，加上囡囡身高174cm，一雙修長美腿只要一露，已經令男士們血脈翻滾，最攞命就係擁有36吋巨乳，真係着乜嘢衫出嚟都充滿誘惑。羽墨十分識做，只要有拍攝，佢就會毫不錫身，絕不欺場，盡情展現身體最美最性感嘅一面，所以佢嘅寫真殺傷力驚人，真係少啲定力，都會鼻血不止，我哋睇相都咁激，難為啲現場工作人員，都唔知點捱得住，所以佢叫自己做公主定係女王，都冇粉絲詐型，事關絕對係實至名歸。大家咪睇佢外形討好，就以為佢靠個樣上位，原來羽墨佢真係多才多藝。
羽墨自小能歌善舞，而且彈得一手好鋼琴，之後考咗入上海戲劇學院，接受正統演藝培訓，實力毋庸置疑，畢業後就加入模特兒界，憑佢嘅樣子和實力而火速上位，家陣上海北京兩邊走，工作真係應接不暇。除咗平面拍攝，羽墨更拍過多套處境劇，無獨有偶都係飾演白領麗人嘅角色，所以有網友封佢為「最美白領天使」。此外，佢更出席不少車展和動漫展，2010年更以代言人身份出席，引嚟全城轟動，事關以佢嘅身材着上動漫服裝，真係入型入格，性感非常，啲後生哥見到，想唔暈晒大浪都唔得。踏入2013年，羽墨更想殺入主持界和電影界，以佢嘅實力，相信絕對冇問題，加油呀！
簡介：王羽墨身材出眾，拍攝嘅照片大多數都係噴血寫真，呢個網站就有多輯佢嘅精彩艷照，就算便裝，都一樣火辣逼人。
網址：www.moko.cc/mokoman1275543912694
出生地：上海
三圍：36-25-36
身高：174cm
撰文：龍四海