家陣好多嫩模只要個樣有番咁上下靚女，身材又有番咁上下豐滿，肯露少少事業線，就會被稱為宅男女神。其實，我哋嘅審美眼光應該放得遠啲，因為畀佢哋更靚更好身材，更具攝人魅力以及知識水平嘅亦大有人在，好似葉加瀨麻衣先真正可以被稱為女神！
日本水着界嘅美人兒好多，除咗嬌俏美艷，身材仲好到不得了，好似原幹惠、篠崎愛更加係童顏巨乳嘅代表，將男人迷到神魂顛倒，所以被譽為水着女神。不過，要講到真正好身材，更值得被稱為女神嘅可能只有一個，就係葉加瀨麻衣喇。25歲嘅麻衣初出道拍水着寫真嘅時候，被形容為「震撼性胴體」，因為身高有成5呎7吋嘅阿妹已經係水着界少有嘅長身美人，佢人高之餘，身材仲好豐滿，37-24-36嘅三圍成個葫蘆樽咁，胸前嘅一對渾圓G奶更令人眼前一亮，加上肌膚雪白無瑕，感覺幾近完美。除咗身材好，麻衣嘅面孔美艷動人，具典雅氣質與知性美，實在世間難尋呀！
葉加瀨麻衣個樣俏麗，仲帶有一種高貴脫俗氣質，一睇就知佢有美色又有學識，冇錯！麻衣佢畢業於日本女子大學文學系，係貨真價實嘅知識分子。另外，葡萄酒檢定認可資格亦顯示出麻衣有品味。阿妹雖然係讀文學出身，但係亦熱愛運動，由細個開始，阿妹就學習芭蕾舞，長大之後亦熱愛游水，曾經多次參加長距離接力跑，後來仲玩埋有氧潛水添。而阿妹學咁多嘢當中，其中一樣最能夠幫助到佢嘅事業發展，就係韓語喇。由於識得講韓文，令阿妹出道之後，得到一次演出韓劇嘅機會，《根深之樹 世宗大王之誓》就有角色由阿妹擔演喇。此外，麻衣仲曾經為電視台主持韓流情報節目《We Love K》，曝光程度相當高。
葉加瀨麻衣成日會將自拍靚相，以及各類演出時拍低嘅相片上載到博客，大家Click上去除咗可以收到佢嘅最新活動消息，仲可以用靚相嚟養眼。
網址：www.ameblo.jp/hakamada-mai/
年齡：25歲
身高：5呎7吋
三圍：37G-24-36
撰文：賢