裸模雖然有名氣，但能夠利用名氣回饋社會嘅人卻少之又少，只係凡事總有例外。好似美國人氣裸模Hope Dworaczyk，不但利用喺裸模界嘅名氣進軍時裝模特兒界，更化身慈善大使，佢嘅眼界同善心，絕非一般裸模可比。
講到今年29歲，身材高挑嘅美國裸模Hope Dworaczyk，人氣之所以咁高，並非單純因為佢樣靚身材正，而係因為佢同美國NBA球星Jason Kidd拍拖。雖然佢喺去年同Jason Kidd分手，但拍拖新聞已經為佢贏足人氣。當然，除作為美國人氣球星嘅前女友外，其實Hope本身亦相當努力，不但挾住名氣進軍時裝模特兒界，成為世界級Fashion Model及製作時裝節目，更喺2011年時參加美國富商杜林普製作嘅真人Show節目《飛黃騰達》，成功喺第7個禮拜嘅比賽單元中成為冠軍Project Manger，並為佢贏得兩萬美元嘅獎金，足見呢位索女商業頭腦亦極佳。
唔少裸模名利雙收後，都會只顧點樣提升自己嘅生活質素，而Hope卻唔同，因為佢利用名氣嚟回饋社會，好似佢將喺《飛黃騰達》贏嚟嘅兩萬元美金，全數捐畀美國慈善團體，用作關懷社區之用，單係呢份善心就已經超越唔少只顧搵銀嘅模特兒。對於佢嘅善行，Hope卻不以為然，佢認為關懷身邊人係每個人應該做嘅事。至於未來嘅發展，Hope希望能夠更集中於時裝嘅工作，除咗繼續參加世界性嘅時裝演出，同製作時裝節目外，更希望有朝一日能創立自己嘅時裝品牌。
喺Hope嘅官網度，可以睇盡佢嘅火辣靚相，更可以睇勻佢過往喺各個媒體嘅訪問，當中有電視台、網站、雜誌等。如果想更深入認識呢位裸模嘅話，Click入去包保冇錯。
網址：www.hopedworaczyk.com/flash.html
出生日期：1984年11月21日
三 圍：5呎10吋
身 高：34C、23、35
撰文：魂