今日介紹一位北京頂級模特兒，她樣子西化，身材性感，拍攝照片走歐陸風格，她就是擁有一南非血統嘅孟露。阿女177cm高，體重只有八十幾磅，所以被網友封為骨感美少女，咪睇佢得棚骨，實力絕對不容忽視。
孟露約喺2010年出道，冇讀過乜嘢演藝學校，入行時只參加過多個選秀比賽，雖然都得唔到前列位置，但就畀觀眾留下十分深刻嘅印象，主要原因就是佢當年真係太瘦，有人笑佢成支竹咁樣，但亦有人讚佢呢副身材，絕對適合食呢行飯。阿妹佢幾經努力，將自己應該大嘅地方，努力變大，將應該小嘅地方，努力維持，所以出現依家玲瓏浮凸嘅驕人身材，亦因為身材愈來愈有殺傷力，所以拍攝嘅寫真噴血度極高，吸引不少宅男成為粉絲，加上佢係混血兒，有少少鬼妹仔性格，寫真照片性感大膽之餘，仲喜歡走歐陸風格，令佢跟同期模特兒風格好唔一樣。亦因為咁樣令孟露跑贏其他同行，火速上位，成為北京炙手可熱嘅新進模特兒。
此外，孟露走紅還有一個小故事，話說初出道時有次網絡展，展覽商邀請一位人氣極高嘅真純姐出席，並為她大事宣傳，而當年孟露只是小人物，喺現場就負責替她舉宣傳牌，但由於孟露秀外慧中，靈氣逼人，吸引到駐場記者們嘅眼光，把原本係主角嘅真純姐忘了，反而大力宣傳孟露呢位舉牌小姐，令她一夜成名。孟露明白走紅不是易事，決定好好把握，經過一兩年嘅努力，終於躍上人氣名模行列。近年孟露除咗接平面拍攝工作外，還亮相各大綜藝節目，人氣一時無兩，但佢冇忘記老本行，還不時推出性感寫真，每次都有驚人表現，性感度更愈來愈高，雖有人非議，但支持者還是佔大多數。
呢個網站收錄不少孟露嘅精彩照片，有一般作品，亦有性感寫真，絕對不容錯過，部分照片更加插咗孟露一啲感想，值得關注。
網址：www.moko.cc/menglu9286
出生地：南非
三圍：35－23－35
身高：177cm
撰文：龍四海