最近，小弟最欣賞嘅荷里活導演昆頓塔倫天奴有新戲上演，呢部就係以美國西部牛仔時代做背景嘅《黑殺令》喇。電影當中槍戰連場，血肉橫飛，又有黑色幽默元素，實在精彩，亦令小弟我諗起一本得到2008年獨立出版人最佳性學書大獎嘅書籍──《Ride 'Em Cowgirl！》。
呢本書用狂野牛女做封面，書中講述大量有關前戲、體位交歡以及使用情趣玩具嘅技巧，仲介紹超過一百種體位以增進兩性交歡嘅樂趣。另外，內容同時提及，女方如何運用騎乘功夫最能夠引發同步高潮，以至如何因應男方嘅性器形狀、長度、體積等特徵而選用最適合體位，男方又如何探知女伴嘅G點所在再加以刺激，所以作者都話呢本書最好就係男女雙方一齊睇，方便互相切磋同研究箇中床上技巧。
撰文：賢