當大家睇到呢位索女時，係咪以為佢係邊位人氣女優呢？如果咁諗就大錯特錯，查實佢並非模特兒或藝人，只係內地一個大型搜尋網站度工作嘅OL！話說早排喺一間大型公司嘅年會上，一班公司女職員表演行Catwalk，分別嚟自人力資源部、行政部、產品部嘅佢哋，以出眾嘅樣貌同身材，襯埋性感嘅裝束，即時令人拍爛手掌，當中最為吸睛嘅就要數呢位嚟自人力資源部嘅索女劉冬。唔講唔知，佢畢業於中國傳媒大學播音系。唔少網友睇到佢個索樣，紛紛問佢幾時走上銀幕。
撰文：魂
行為藝術呢家嘢，好多時真係令人摸不着頭腦，將油漆周圍淋、着住潛水衣玩過山車、戴住黑超觀星等，冇番咁上下「藝術」造詣都唔知佢哋喺度做乜。好似早排內地微博，就有人上載咗一輯名為「才女雅芬作畫全過程」嘅組圖。只見呢位才女全身赤裸畫水墨畫，一眾網民即刻將焦點集中喺佢三點度，邊睇邊話佢博出位。不過有美術學院副教授為佢辯解，叫大家唔好從道德角度睇呢位才女，而應該從藝術角度出發，先至可以明白佢行為藝術嘅真諦喎！
撰文：魂
第三屆中國鋼管舞錦標賽快將舉行，為隆重其事，早前代表隊嘅三位成員，喺極低溫嘅天氣下，在戶外展露身手，當日又風又雪，除咗佢哋辛苦之外，拍攝嘅記者朋友都一樣辛苦，就算代表成員衣着有幾性感，動作有幾挑逗，當大家睇見風雪中嘅背景，唔知點解都會覺得冇晒味道，所以有網友勸佢哋唔使喺風雪中獻技，畀風雪掩蓋晒舞者本身嘅實力。講番內地嘅鋼管舞，近年產生唔少冠軍人馬，有啲更係世界級冠軍，加上新秀巨星不斷湧現，所以今次嘅比賽絕對要留意。
撰文：小德
早前喺北京舉行嘅全國健身楷模頒獎典禮，嚟自全國嘅健身高手雲集，獲大會頒發獎狀以表揚佢哋嘅貢獻，各級別嘅大隻仔都有出現，喜歡睇渾身肌肉嘅朋友定唔會失望，但有網友發現，女子組嘅健兒就失色好多，佢哋好多都冇晒線條，有啲更走晒樣，連腩肉都走埋出嚟，又話全國健身楷模，點會變成咁樣？有網友就代佢哋解釋，話當晚唔係比賽，只係頒獎禮，好多運動員特別係女性，比賽後就不再控制飲食，加上天寒地凍，食得多咗，自然難免走樣。咁又係，啲歌星開完演唱會咪一樣打回原形，大家已見怪不怪啦！
撰文：小德