美國四仔頒獎禮曲終人散，全球成人網站嘅焦點都集中喺邊個脫星邊間公司有獎攞，大班脫星又喊又笑兼乘機倒奶，而網站則日夜喪播得獎者台上感受，真係悶到爆！好彩有記者以反傳統手法訪問業界男女，好睇又有新鮮感。
話說一位自由撰稿員Susannah Breslin於四仔頒獎禮當晚全程直擊整件盛事再上載到網站，但角度就同色情無關，反而好有深度咁叫「The Business of Porn」，Susannah訪問一眾脫星、經理人及四仔導演，問佢哋一個問題，就係全球網上盜版四仔已進入失控狀態，任何人只要一Click即可免費瀏覽到色情資訊，對行內做成極大衝擊，究意呢班有血有汗嘅四仔從業員，佢哋又係點睇呢？以下節錄一班業界心聲，睇吓佢哋有乜意見啦！
被喻為現役四仔界最索、身價最高嘅Samantha Saint，對於盜版猖獗問題似乎毫不在乎，反而暗示多得盜版存在，佢話：「四仔令我搵到事業，令我變得特別，有老翻即係會有更多人睇到我嘅演出，何樂而不為！」
今屆提名同攞獎多到手軟嘅「蜘蛛女」，唔Like佢嘅四仔迷都一定識佢，事關阿姐胸前一孖蜘蛛網紋身，配合超重口味演出，可謂襯到絕，對於全球網民瘋狂盜版，阿姐就話：「無論床上床下，我都係以最真嘅一面畀大家睇，所以四仔迷睇正版或盜版，都睇到我最佳嘅演出，而且愈多人睇，令我嘅人氣愈高。」
43歲熟女脫星Houston（又名Kim Halsey），於1995年入行，家陣仲會客串熟女片，喺四仔界依然有號召力，今屆冇提名純粹出席頒獎禮撐場，對於盜版問題，阿姐非常感慨：「我慶幸自己屬於90年代嘅脫星，嗰時冇盜版，要睇四仔就畀錢買，家陣時代唔同，好難阻止盜版猖獗問題，真係戥呢一代脫星擔心。」
身兼男優及導演嘅Manuel Ferrara，從事四仔界長達11年，作品產量多達1,000部，依家仲有心有力落床砌，至於大哥佢對盜版問題嘅睇法係：「有冇盜版，我每日工作都一樣咁開心。」果然係有幾大量度，就有幾大成就，撐你呀！
人稱「男神」嘅男優James Deen，拍攝過千部四仔，曾合作嘅脫星亦有過千位，今期仲可以同蘭茜露漢拍床上戲，威到盡！可能係咁，James對盜版問題一啲都唔Care：「我冇任何意見！」我諗佢只要有女砌就乜都得！
撰文：祖