模影模蹤:劉夢夢 棄文從藝

從小就係家中嘅乖乖女,唔喜歡唱歌跳舞,成績一直名列前茅,到讀大學時報考會計專業,邊個估到佢畢業後竟轉戰模特兒界,更有性感女神稱號,佢就係嚟自北京嘅劉夢夢。

放棄專業

夢夢係地道嘅北京女孩,從小就文文靜靜,冇諗過要參加演藝工作,高中畢業後就考入對外經貿大學主修會計,原本打算畢業後喺寫字樓工作,點知喺學校寄宿期間,受到同學鼓勵,竟逐漸愛上文藝活動,喺學校嘅幾次演出活動後,吸引到大批粉絲,喺佢哋推波助瀾下,一口氣參加咗多個選美或選秀活動,每個比賽都獲得不錯嘅成績,例如喺「鐵血軍模」比賽中獲全場冠軍,「校花聯播」活動得第二名等等,自此令夢夢信心大增,於是毅然放下自己嘅專業,向陌生嘅演藝界踏出第一步,冇幾耐更被中國第一美女俱樂部封為「美胸王后」。

性感急升

講到夢夢個胸,報稱有36吋G級,着衫着到密一密都好,一樣性感逼人,如果只着內衣或泳衣拍照,其性感度自然急升數百倍。令粉絲高興雀躍嘅,就係夢夢經常乜都唔着以真胸示人,男生睇到流鼻血,加上夢夢有170cm身高,修長美腿配巨乳,玲瓏浮凸,寫真作品真係令人眼睛大吃冰淇淋。夢夢出道短短一年間,已經走紅全國。夢夢除咗拍攝硬照,更係有名嘅車模同埋活動主持,就算英語節目亦難佢唔倒,所以周不時上各地電視台嘅綜藝節目或參與網劇拍攝,用炙手可熱嚟形容佢絕對唔過分,所以話人生嘅路向係要自己闖出嚟嘅。

劉夢夢 Profile

出生地:北京

三 圍:36-25-37

身 高:170cm

撰文:龍四海