知情色趣:下海拍AV 後藤真希益Fans?

前年AKB48嘅前隊員中西里菜投身AV界引起哄動,事關如此具人氣嘅藝能人下海,自然一石激起千重浪。早排台灣有媒體就搞咗個預測,睇吓今年邊位日本藝能人將會下海,當中理由同機會率仲講到似層層兼十成十,真係信不信由你!

後藤真希 機會率:100%

嘩!講到係100%會下海拍AV,係咪咁堅呀?睇番佢哋分析嘅理據,指呢位早於2010年1月,就已經為日本雜誌《Numero Tokyo》影背面全裸寫真兼露晒半球嘅噴血寫真,加上佢喺2012年1月無限期退出演藝圈後,冇其他出路嘅佢遲早坐食山崩,因此媒體分析極等錢使嘅佢將會下海。

小阪由佳 機會率:80%

被喻為日本S級寫真女星嘅小阪由佳,演藝路愈走愈沉。喺2010年時便傳出有AV片商搵佢拍AV,卻於同年被人發現由佳肥爆兼勁殘,嚇到粉絲走夾唔抖之餘,拍AV嘅傳聞亦不了了之。到早排由佳突然上載近照上Twitter,竟然重拾當年勇,唔通呢個係拍AV嘅先兆?

Leah Dizon 機會率:70%

性感女神Leah Dizon自2007年出道後,憑住佢副勁索嘅樣同玲瓏浮凸嘅身材,即刻成為男士嘅焦點。點知佢喺08年時卻宣布已結婚兼大肚,人氣即跌之餘,到咗2010年時更同老公離婚。回復單身嘅佢人氣不再,廣告亦冇乜,為咗搵奶粉錢而拍AV,真係一啲都唔出奇。

酒井法子 機會率:70%

從酒井法子爆出吸毒嗰日起,就已經傳出有AV片商搵佢拍AV,仲話有片商開埋天價畀佢,真係講到似層層。不過現實係隨住緩刑期屆滿後,佢演出舞台劇《碧空狂詩曲之阿市外傳》,又喺北京攞埋亞洲時尚注目女星大獎,話佢有七成機會拍AV,好似誇咗啲喎!

淺尾美和 機會率:50%

有「沙灘仙女」外號嘅日本沙排選手淺尾美和,雖然運動場內嘅成績麻麻,但喺藝能界卻相當受歡迎,而佢2009年所推出嘅寫真掛曆,更喺一個禮拜內售罄。隨住運動生涯完結,美和係咪會考慮投身AV界,相信只有時間至畀到答案。

撰文:魂