男士鍾意絲襪、高踭鞋、迷你裙等都唔算出奇，奇就奇在竟然有人為女士紮嘅馬尾動情，仲要搞埋個協會嚟宣揚馬尾文化，你話係咪奇先？咪以為呢個名為「日本馬尾辮協會」，係個鹹濕同好俱樂部，查實佢哋真係好正經之餘，仲會定期搞攝影會，搵嚟一班清純又可愛嘅模特兒，紮起馬尾畀同好勁撳快門。問到點解會咁鍾情馬尾，據講佢哋覺得紮上馬尾辮嘅女生夠清純又夠清新。呢個早喺1995年成立嘅同好會，佢哋更提出將官網啟動日期7月7日，定為全國馬尾日，唔知各位女士有冇興趣參與呢？
撰文：魂
網址：pony-t.jp