一向熱愛日本文化嘅台灣，除咗鍾意日本嘅衣着潮流，亦有好多人鍾意佢哋嘅美女，好似早前台灣一個成人展咁，就請到AV女優沖田杏梨以及香西咲到場演出，另外民間亦時有邀請其他AV女優參與攝影會。由於台灣美女愈來愈高質，家陣已經唔只得日本單方面輸出美女，台灣亦有派美女反攻日本，之前就有雞排妹Ili，最近亦有熊熊。今年26歲嘅熊熊樣子甜美親切，開朗又活潑，散發令人精神一振嘅陽光氣息之外，仲擁有一對脹卜卜兼純天然嘅F奶，所以出道以來人氣持續攀升，仲紅到被日本方面邀請拍寫真DVD添。而呢隻名為《台灣美女通信》已經完成，當中熊熊將會換上青春無敵又火辣嘅比堅尼演出，大騷豐滿上圍，質素真係拍得住日本水着妹，唔睇真係走寶。